AKHIR APRIL 2014, PENYERAHAN HASIL PLENO KE KPUD PROVINSI

                                            JULIUS SANGKEK
                             (SEKRETARIS KPUD KOTA SORONG)

SD INPRES 103 HBM SUKSES LAKSANAKAN UJIAN SEKOLAH LOKAL

 

 Yuane Legiman 

(Kepala Sekoalah SD Inpres 103 HBM-Sorong)

Perayaan Jumat Agung Di Nabire, Papua

Peneguhan Anggota Sidi Baru, Jemaat GKI ELIM- Malanu (Kota Sorong)

 @minggu 13 April 2014

INDONESIA TANA AER

I N D O N E S I A,..

INDONESIA-KU,..INDONESIA-MU,..INDONESIA ANDA,..

INDONESIA ‘LU,..GUE INDONESIA,..

INDONESIA AWA’,.. INDONESIA AYE’,.. MERDEKA..!!

INDONESI SA’ DENG KO’,.. KITORANG SAMUA INDONESIA,..TRA BEDA,..

INDONESIA PA KITA DANG..? IYA, NGANA PE INDONESIA,..!!

INDONESIA VOOR ALE DENG BETA,..KATORANG SAMUA VOOR INDONESIA,..

IYOO, INDONESIA,..INDONESIA TANA PUSAKA,..

TANA PUSAKA YANG CAPARUNI DENG SAKI,..

SAKI DENG PAMARENTA PUNG ATORANG YANG BA’PECI,..

BIKING RAYAT DARA MANDIDI, SENG PADULI,..

MALUKU GAGAWANG DENG ER-EM-ES TARUS KASANA KAMARI,..

ACEH BA’AKSI DENG “GAM” MACANG TETE JAGANTI,..

PAPUA BA’ASO DENG O-P-M MACANG BURONG CENDRAWASI DI UJONG KANARI,..

BALONG LAI,.. N-I-I, BLBI, POLITIK DEMOKRASI, BANK CENTURI SAMPE KORUPSI,..

DPR MPR-RI SAMPE HATI,...

POLISI, JAKSA, HAKIM SAMPE KPK SENG BAKUTI,..

BILANG NKRI? TKI MATI, KBRI TUNJU AKSI MACANG BANCI,..

POLISI CUMA BIKING HONGE DENG AMUNISI,..

JAKSA, HAKIM DENG KPK CUMA BISI-BISI BIKING GILI-GILI,..

DPR MPR-RI CUMA DUDU MANIS PARSIS NONA MISI VOOR PORO BIBI,..

PANCASILA, MERA PUTI DENG DEMOKRASI CUMA BIKING MAKANG HATI,..

DAR PROKLAMASI SAMPE REFORMASI SENG ADA ARTI,..

ASTAGANAGA,..

RAYAT SANGSARA SU AMPER BINASA,..

MAAR PAMARENTA CUMA BICARA LA TATAWA CARI MUKA,..

CARI MUKA VOOR DAPA SATYA LENCANA DENG GAJI TAMBA,..

PARCUMA BUANG SUARA VOOR BIKING LALA,..

HMMM,.. PAMARENTA INDONESIA EE KEKU DOSA TAR SADIKI,..

CUMA VOOR DAPA JARE MAI, RAYAT HALA SANGSARA SAMAI,..

HOE,..JANG CUMA BADIRI PASAWARI VOOR BIKING PAMALI,..

ARIKA, MASOHI PADULI RAYAT DENG NEGRI VOOR MOOI KOMBALI,..

TANA TUMPA BADARA

 

DAR SABANG SAMPE MERAUKE,..

BA’JALANG BULA BALE MAAR RAYAT SANGSARA BAKU GEPE,..

BA’DONCI MANGGUREBE VOOR MANGENTE,..

BA’JANJI RABU-RABU VOOR MO BKING BAE,..

ISKEREK BA’UJONG VOOR PAROP DIRI LA PARLENTE,..

BAPAKAMPONANG PAMARENTA EE,..

MAAR SU TALALU LAI EE,..!

KAMORANG SU PARSIS DENG PAPALELE,..

VOOR SAKEPENG BAJUAL RAYAT SEPE-SEPE,..

BAKARANG KIRI KANANG, BAPUAR DENG PUTAR BALE,..

RAYAT ANCORLELE DENG KAMORANG PUNG ABULEKE,..

DO’E GAME-GAME BIKING RAYAT DAPA GADE,..

HOO E, JANG MAANO VOOR DIRI TALALU LABE,..

JANG SENANGGALE DENG BAKELE MACANG IKANG GETE-GETE,..

RAYAT PUNG HATI SU TAROBE,..

BEAR AKANG LAI EE,..

DARA SU MALELE PONO DALANG SEMPE,..!!

KALO SU REU, PI MAENG DALANG MANGE-MANGE LABEBAE,..

JANG MULU BABUSA MACANG OMBA PICA DI PANTE,..

JANG BIKING VOOR TANA TUMPA DARA AKANG BADARA LAI EE,..

INGATANG EE,..

BEAR WARNA KULI AKANG TABAGE,..

BEAR ADA SALAM DENG SARANE,..

BEAR ADA WAYANG GOLEK, YOSPAN DENG CAKALELE,..

MAAR ALE DENG BETA SAMUA SAT’RANGKE,..

INGA HATI JUA SUDARA EE,..

JANG BIKING SAMPE MERA PUTI AKANG MUSTI TAROBE,..GANDONG EE,..